BREAKING NEWS: កម្ពុជាប្រកាសករណីរកឃើញវិជ្ជមានថ្មីវីរ៉ុសកូវីដ-១៩ នៅថ្ងៃពុធ ទី១១ ខែសីហា ឆ្នាំ២០២១
ភ្នំពេញ: កម្ពុជារកឃើញករណីឆ្លងមេរោគកូវីដ-១៩ ចំនួន ៤៨៦ករណីថ្មី ក្នុងនោះករណីនាំចូលថ្មី ១១៩ករណី ខណៈអ្នកជំងឺ ៧១៧នាក់ បានជាសះស្បើយ និងស្លាប់ថ្មីចំនួន១២នាក់។ នេះបើយោងតាមសេចក្តីប្រកាសព័ត៌មានរបស់ក្រសួងសុខាភិបាល នៅថ្ងៃពុធ ទី១១ ខែសីហា ឆ្នាំ២០២១។
គិតត្រឹមថ្ងៃពុធនេះ កម្ពុជាបានរកឃើញករណីឆ្លងសរុបចំនួន ៨៣,៣៨៧នាក់, ស្លាប់ដោយសារកូវីដ-១៩ សរុបចំនួន ១,៦១៤នាក់, ព្យាបាលជាសះស្បើយបានសរុបចំនួន ៧៧,៧៥៤នាក់ និងសរុបករណីនាំចូលពីក្រៅប្រទេស ១២,៣៥៤ករណី៕